Gelebtes Brauchtum – oder die MACHT der Tracht
- hochgeladen von Elfriede Endlweber
Mit Dirndlkleid und Trochtngwaund,
sou lafn d’Leit heit umanaund:
die Madln trogn a Kleid mit Blusn,
do siacht ma a oa Stück vom Busn!
Da Kittl schwingt ba jedem Schritt
und’s gaunze Dirndl wockelt mit!
Deswegn is die Trocht beliebt,
wals do souvül zan segn gibt!
Dazu des männliche Geschlecht:
is a gekleidet stilgerecht
mit ana Lederhosn, greanen Stutzen
se tuans zan Wadlzagn gern benutzen!
Denn schließlich frogt si jedes Madl:
Hot er denn a no fesche Wadl?
Dazu die Haferlschuach, an Huat,
der tuat ban Regn sicha guat!
Sou gengans heite umanand
In eahnan feschen Steirergwaund:
des is gelebte Volkskultur
amol im Joahr, daun is a Ruah!
Goa vüle ibatreibn dabei
mit da gaunzn Aufsteirerei:
de Glitzerdirndln sullt ma lossn,
net jedem passt die Lederhosen!
Und maunche hobn nur ans im Sinn:
„do geh i hin, denn des is IN!“
MeinBezirk auf
MeinBezirk als
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.