"Unser Almtal"
Gedicht von Franziska Neuwirth aus Pettenbach
Wia der Herrgott nach der Schöpfung
fertig g´wesn is mit olln
san vom Pemsal a paar Tröpferl
eahm auf d´Erdn obigfalln.
Mei sagt er, des is z´wida
muaß mir sowas jetzt passieren
i kann iatzt z´wegn de Tröpferl
d´Erdn nu amal lackiern.
Es san aber de paar Tröpferl
sche z´sammengfolln auf oan Fleck
a, moant er, weil´s scho dasan
tua is a glei nimmer weg.
Aus dem Blau moch i a Wasser
und des Greane wird a Au
mit´n Abendrot streich i die Berge
und die Felsn mit´n Grau.
Er muaß selba drüba lacha
weil´s eahm so guat g´ratn is
sogt: de Leut, de da amal dahoam san
kriagn a richtigs Paradies.
Na was glaubt´s, wo is das g´wesn
schaut´s euch a bißl um
das war doch im schönen Almtal
um den liaben See herum.
Geht d´Sunn im Gebirge unter
fallt oans mir ollweil ei
nur ins Almtal kann´s vom Pemsal
damals abatröpfelt sei.
Greane Wiesn, Wälder, Au
der Almfluß und der See
da woaß mans nacha ganz genau
nirgendswo is nu so sche.
Aktuelle Nachrichten aus Kirchdorf auf 
Du willst eigene Beiträge veröffentlichen?
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.