A Gedicht hoid/80
Woin san a boid wieda
- hochgeladen von franz döller
Jo, boid is wieda soweit, am 29.1. san Laundtogswoin in NÖ und schau gehts rund -
de Politika und Innen san eh schau präsent und reinnan si de Hockn wund,
do und durt a Büdl in da Zeitung und va de Plakate owa grinsn oilli a -
und mit da heitign Technik mocht ma aus schiach glei schei, des is ned so schwa,
in Echt san hoid unsari Voiksvatreta meistns nua Marionettn va da Wirtschoft und haum leida ned wirkli wos zan song -
do kinnans nu so gscheit daheredn und so doa wia waun sa se wirkli dadadn plong,
wers Göd hod schofft au und gaunz wichti wiad des wieda vor de Woin -
wei wer soi dein sunst de gaunzi Woiwerbung zoin,
owa ma derf ned ois schlecht redn, a bissl an Liachtlick haums ob und zua jo a -
trotzdeim, mit Weitblick, soziala Gerechtigkeit und min Hausvastaund, do doan sa si schau gaunz schwa,
wei de gaunzn Beihüfn zoi ma uns untam Strich eh söwa, do wiad oan richti schlecht -
und der wos eh schau gnua hod kriagt nu mehr - na des is ned gerecht,
noch de Woin wiad ois bessa, des vasprechan zumindest öwei de Partein -
liawi Voiksvatreta, herds oafoch auf zan liang, wei des is nua mehr zan speim,
kriagst eindli oilli mitanaund den Oasch hoch und mochts wos Gscheits fia de Leit -
das si a Jeda und a Jede des Lem a nu leistn kau, des warad gscheit,
wei zoit werds jo a va uns, wei sunst häd da oani oda aundari va eich eh koan gscheidn Job -
owa es werds eing deinga, vasprech ma vor de Woin ois Meglichi und deinga doats eing - wos intarressiert und da "gweindlichi Mob"!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.