A Gedicht hoid/43
2020
- hochgeladen von franz döller
Jo, wos ma schau song kau, 2020 woar und is a beschissn's Joar -
des bledi Virus hod uns oilli gfordat, des is gaunz kloar,
va China is des aungebli keima und hod si ausbroat af da gaunzn Wöd -
owa jetzt woas ma wieda, d'Gsundheit is wichtiga ois wia's gaunzi Göd,
glei haums gforscht wia de Wüdn, das ma wos zan impfa find -
dazwischn hod ma iwalegt, wos ma dawei dageng mocha kinnt,
zwoa Lockdown's und oan leichtn hauma jetzt schau gschofft -
mia wern des Gfrast schau bezwinga, des warad do glocht,
an Haufa neichi Begriff gibts und de schwirrn tägli umanaund -
Homeschooling, Homeoffice, san nur a poar, nur so am Raund,
d'Heind soi ma fest woschn, desinfiziern und Obstaund hoidn a -
af des oilas oiwei deinga, des is oft a gaunz schei schwa,
af's Wort des Jahres 2020 woar i wirkli schau richti gspaunnt -
und wiara mas deinkt hob - es is da Babyelefaunt,
Jo, des Joar 2020 is boid vabei, vü is ned greinnt gaunz rund -
frohe Weihnachten, af a bessas 2021 - und bleibts gsund!
Aktuelle Nachrichten aus Niederösterreich auf
Kommentare
Du möchtest kommentieren?
Du möchtest zur Diskussion beitragen? Melde Dich an, um Kommentare zu verfassen.