Mundartgedicht "Summa"

A´Leichtigkeit überkimmt die Leit
in da schen Summazeit.
Wenn d´Wiesn und Felda
dostehn in Fülle und Procht
und die Sunn oft sehr hoaß ochalocht.
Heftige und wilde Gwitta kemman
ollwei wieda über die Wöt
und so monches Unwetta
zerstört Haus, Hof und Föd.
Glei wieda wird zommgholfn,
aufbaut und neu gsaat und
noch kuschza Zeit ku ma sechn,
dass wieda a neus Graserl ogeit.
Die Ernte wird einbrocht mit
sehr fü Schweiß und
überoll ist er zechn, da Bauern-
und Orbeiterfleiß
Da Mensch hot a gonz vü Freid
an der schen Urlaubs- und Bodezeit.
In der Hoamat bei den traumhoftn Seen,
dos liebt er sehr und weit roast er fort
ans große Meer.
Wondersleit trifft ma wohin ma schaut,
vü Gäst kemman von nah und fern
um unsere Täler und Berge, Burgen
und Schlösser zu sehn und a die
Leit mit eahna Kultur zu verstehn.
Mitn Fohrradl geht’s landauf,
londob über Berg und Tol
sche is oafoch überoll.
So moncha schlogg sei Zelt auf
und wü nimma hoamwärts fohrn,
er wü no mehr von da Gegend dafrogn.
Summanächt, olt und jung kemman
ins schwärmen goar,
ob gwittrig oder sternenkloar.
Der Duft noch frischn Hei mocht insare
Sinn so vawegn und frei.
Vü z´kuschz kimb oahn da Summa
vie, zschnell geht die worme Zeit dahie.
Aufhoitn tat man gern so wia die
bestn Johr in unserm Lebm, wos
kunnts denn Scheners gebm?